The Snowman

This auld guy wis looking oot his windy and it wis snowing like fuck. He minded the times as a wee boy he’d be oot wae his pals making the best snowmen Muirhead had ever seen.

“Right, fore awe this white shite melts, am gonna make the best snowman that Scotland has ever seen!” he said.

So he wrapped himself up and headed oot tae the Moor Park, laughing his heid aff. Oh he wis going tae show them awe how tae build a snowman. He’d be a hero once more.

Sadly, he slipped on some ice on the way oot the door and shattered both his hips. He managed tae crawl back inside. But he wisnae defeated.

“Next year,” he whispered. “Al dae it next year.”

The auld guy didnae make it till next year.

John Gerard Fagan is a writer from Scotland who lived in Japan for the past decade. He writes in both English and Scots.@JohnGerardFagan

Leave a Reply

Your email address will not be published. Required fields are marked *